Пракуратура Варшавы змяніла абвінавачванне Дарыяну С., які напаў на беларуску Лізу ў цэнтры Варшавы. Яго дзеянні цяпер кваліфікуюцца як забойства на сэксуальнай глебе, піша польскае выданне RMF24.
Першапачаткова Дарыяна С. падазравалі ў замаху на забойства, спалучанае са згвалтаваннем і разбоем.
Як адзначае выданне, раней у варшаўскай пракуратуры не было доказаў таго, што напад стаў непасрэднай прычынай смерці беларускі. Вынікі ўскрыцця загінулай і сабраныя доказы па крымінальнай справе дазволілі выставіць затрыманаму абвінавачанне ў забойстве.
Нагадаем, у ноч з 24 на 25 лютага ў цэнтры Варшавы на беларуску напаў мужчына. Ён прыставіў ёй нож да горла, згвалціў і спрабаваў задушыць. Дзяўчыну знайшлі без прытомнасці. Падазраванага затрымалі ў той жа дзень — ім аказаўся 23-гадовы варшавянін.
Пасля нападу дзяўчына знаходзілася ў цяжкім стане ў рэанімацыйным аддзяленні бальніцы. Яна была без прытомнасці на апараце штучнай вентыляцыі лёгкіх. Нягледзячы на ўсе намаганні польскіх дактароў, дзяўчына памерла 1 сакавіка. Яе пахавалі 14 сакавіка на Паўночных могілках Варшавы.