Пратасевіч сустрэўся з Віктарам Бабарыкам

8 студзеня 2025 у 1736323620
Ганна Матсан / «Зеркало»

Раман Пратасевіч сустрэўся з Віктарам Бабарыкам. Фатаграфіі сустрэчы ён апублікаваў у сваім тэлеграм-канале.

«Адразу скажу, што асноўнай маёй мэтай было перадаць Віктару Бабарыку вестачкі ад яго родных», - сказаў Пратасевіч.

Ён паведаміў, што Віктар Дзмітрыевіч «выглядае бадзёрым» і «не страціў свайго красамоўства».

Былы кіраўнік «Белгазпрамбанка» Віктар Бабарыка, які планаваў балатавацца ў прэзідэнты ў 2020 годзе і лічыўся асноўным супернікам Аляксандра Лукашэнкі, у ліпені 2021-га атрымаў 14 гадоў калоніі ўзмоцненага рэжыму па абвінавачанні ў хабары і адмыванні грошай. Прысуд быў палітычна матываваным, Бабарыку прызналі палітвязнем.

Яго адправілі адбываць тэрмін у калонію ў Наваполацку ў Віцебскай вобласці, дзе з самага пачатку імкнуліся максімальна ізаляваць ад іншых зняволеных.

Першапачаткова Бабарыка працаваў абпальшчыкам у пякарні, потым - укладчыкам хлебабулачных вырабаў.

Віктара Бабарыку ізалявалі ад вонкавага свету ў канцы красавіка 2023 года, пасля таго як хуткая дапамога прывезла яго ў «цывільную» бальніцу Наваполацка. Інфармацыя пра шпіталізацыю была супярэчлівай - тэлеграм-канал «Рабочы рух» паведамляў пра збіццё, штаб Віктара Бабарыкі - пра тое, што ў яго гідраторакс - вадкасць у лёгкіх. Але што менавіта стала прычынай - хвароба ці збіццё, - невядома. Пасля гэтага адвакаты страцілі доступ да падабароннага, у сям'і таксама не было пра яго звестак.