У Францыі памерла беларуская стылістка Яўгенія Драгун. Ёй было 40 гадоў

У французскай Ніцы памерла беларуская стылістыка Яўгенія Драгун, ёй было 40 гадоў, паведамляе Reform.news.

Пра смерць Яўгеніі стала вядома з паста ў яе Instagram. Як пацвердзілі Reform.news яе сябры, беларуска памерла каля двух дзён таму ў Ніцы.

Стылістка займалася афармленнем вяселляў, святаў і ўрачыстасцяў, удзельнічала ў мностве прыкметных праектаў у беларускай і міжнароднай індустрыі моды і прыгажосці.

За сваю кар’еру Яўгенія працавала з вядомымі фатографамі, у прыватнасці з Kanapleidiki, Паўлам Крычко і іншымі. Яна займалася не толькі дэкорам і стылем, але і фларыстыкай. Праекты з яе ўдзелам атрымалі міжнароднае прызнанне — у прыватнасці, іх фатаграфіі публікаваліся ў British Vogue, Vogue Weddings і іншых медыя. Стылістка шмат падарожнічала, праводзіла майстар-класы для фатографаў і фларыстаў у Італіі і Францыі.

20 сакавіка ў Яўгеніі быў дзень нараджэння.

Паводле блізкіх, смерць жанчыны наступіла ў выніку спынення сэрца.