У 2025 годзе запрацуе новаўвядзенне, якое датычыць пенсій і рынку працы. Людзям яно наўрад ці спадабаецца

У 2025 годзе ўвядуць змяненні ў Закон «Пра занятасць». Адно з новаўвядзенняў датычыць магчымасці для некаторых людзей датэрмінова выйсці на пенсію — па гэтым пункце ўводзяць абмежаванні. Расказваем падрабязнасці.

Хто цяпер можа на два гады раней выйсці на пенсію?

У Беларусі ў некаторых беспрацоўных цяпер ёсць магчымасць датэрмінова выйсці на пенсію. Гаворка пра тых, хто быў звольнены праз ліквідацыю арганізацыі, стаў на ўлік у цэнтр занятасці, але не можа працаўладкавацца. Такія людзі цяпер могуць датэрмінова выйсці на заслужаны «адпачынак» — на два гады раней: жанчыны — у 56 гадоў, а мужчыны — у 61 год. Але для гэтага патрэбная згода службы занятасці.

Нагадаем, стандартны пенсійны ўзрост у Беларусі для жанчын складае 58 гадоў, а для мужчын — 63 гады.

Што зменіцца?

У 2025 годзе па датэрміновым выхадзе на пенсію на такой падставе ўвядуць абмежаванне: пайсці на заслужаны «адпачынак» можна будзе не на два гады раней, а на адзін.

Грошы на выплату гэтай пенсіі бяруць з бюджэту Фонду сацыяльнай абароны насельніцтва.

Чытайце таксама