Незалежныя журналісты і мовазнаўцы назвалі галоўнае беларускае слова 2024 года. Яно мае сумны сэнс

Словам 2024 года ў Беларусі выбралі «інкамунікада», што азначае поўную ізаляцыю і адсутнасць сувязі з навакольным светам. Сёння гэта слова часта ўжываецца, калі гаворка ідзе пра ўмовы ўтрымання беларускіх палітвязняў, піша «Радыё Свабода».

«Радыё Свабода» разам з мовазнаўцамі, а таксама карыстальнікамі сацыяльных сетак традыцыйна выбралі самае актуальнае слова года ў Беларусі. Сёлета ў галасаванні прынялі ўдзел каля 1500 чалавек.

Пераможцам стала слова «інкамунікада», якое атрымала 26,5% галасоў. Яно азначае поўную ізаляцыю і адсутнасць сувязі з навакольным светам. Сёння яго часта ўжываюць для апісання сітуацыі з палітвязнямі ў Беларусі, пра многіх з якіх родныя не могуць атрымаць ніякай інфармацыі. Гэта ўспрымаецца як форма катавання і для саміх вязняў, і для іх сем’яў.

Напрыклад, у рэжыме інкамунікада з лютага 2023 года знаходзіцца Мікалай Статкевіч, які адбывае 14-гадовы тэрмін па «справе Ціханоўскага». А таксама былы прэтэндэнт на пасаду прэзідэнта Віктар Бабарыка, асуджаны нібыта за «атрыманне буйной хабару» і «„адмыванне“ сродкаў, атрыманых злачынным шляхам», і многія іншыя палітвязні.

Сярод іншых папулярных словаў, актуальных для Беларусі ў 2024 годзе:

• бясчассе — перыяд неўладкаванасці або грамадска-культурнага застою;
• штучны інтэлект;
• экстрэмізм — у кантэксце грамадска-палітычных працэсаў у Беларусі.

Читайте также