Няпоўнагадовая дзяўчына здзейсніла суіцыд падчас падлеткавай вечарынкі на так званай упісцы. Пра гэта паведаміў 17 сакавіка на прэс-канферэнцыі ў Мінску намеснік начальніка аддзела арганізацыі работы інспекцыі па справах няпоўнагадовых галоўнага ўпраўлення аховы правапарадку і прафілактыкі МУС Васіль Дземідовіч.
«Кожны год практычна падчас удзелу дзяцей на такіх вечарынках — на „флэтах“ і „ўпісках“ — мы фіксуем смерць дзяцей. Так і адбылося на гэтым тыдні. На выходных няпоўнагадовая ў Брэсцкай вобласці падчас сумеснага распівання спіртных напояў здзейсніла суіцыд», — сказаў ён.
Дземідовіч не ўдакладніў узросту дзяўчыны.
Прадстаўнік МУС адзначыў, што трагічныя выпадкі з няпоўнагадовымі на «флэтах» і «ўпісках» не адзінкавыя, гэта праблема, і тут неабходна звярнуць увагу бацькоў, каб яны кантралявалі тое, дзе знаходзяцца іх дзеці.
У Беларусі дзейнічаюць цэнтры экстраннай псіхалагічнай дапамогі. Калі вы трапілі ў крызісную сітуацыю, калі ласка, звярніцеся па наступных нумарах:
- Рэспубліканская «Дзіцячая тэлефонная лінія» 8801−100−1611 (кругласутачна);
- Тэлефон даверу РНПЦ псіхічнага здароўя +375 17 272−21−67 (панядзелак — пятніца — з 9.00 да 15.00);
- Брэсцкая вобласць +375 162 51 10 13 (кругласутачна);
- Віцебская вобласць +375 212 61-60-60 (кругласутачна);
- Гомельская вобласць +375 232 31-51-61 (кругласутачна);
- Гродзенская вобласць + 375 152 39-83-31 або +375 152 39-83-28 (кругласутачна);
- Мінск, для дарослых: +375 17 352−44−44 або + 375 17 304−43−70 (кругласутачна), для дзяцей і падлеткаў: +375 17 263−03−03 (кругласутачна);
- Мінская вобласць +375 17 270−24−01 або + 375 29 899−04−01 (кругласутачна);
- Магілёўская вобласць +375 222 71-11-61 (кругласутачна).