У міліцыю паступіла паведамленне ад дыспетчара хуткай медыцынскай дапамогі пра тое, што ў доме ў аграгарадку Нарач знайшлі целы двух мужчын. У прычынах іх смерці разбіраліся спецыялісты Дзяржкамітэта судмедэкспертыз.
57-гадовы бацька і яго 30-гадовы сын былі аматарамі выпіць. Незадоўга да трагедыі яны прынеслі дадому з палігона бытавых адходаў, дзе займаліся сартаваннем смецця, літровую бутэльку з ружовай вадкасцю і распілі яе.
Экспертыза выявіла што мужчыны памерлі ад вострага атручання ў выніку ўжывання вадкасці, якая мае ў сваім складзе этыленгліколь у смяротных дозах, — у бацькі таксічная канцэнтрацыя была перавышаная ў 8 разоў, а ў сына — у 20 разоў.
«Этыленгліколь — гэта празрыстая алеістая вадкасць без колеру і паху, якая мае сладкаваты смак. Тыповая вадкасць, якая змяшчае этыленгліколь — антыфрыз, што выкарыстоўваецца ў сістэмах астуджэння рухавіка аўтамабіля. Нярэдка антыфрызы падфарбоўваюць у розныя колеры», — растлумачыў эксперт.
Па факце гібелі мужчын праводзіцца праверка.